תפילה לאשה הרה

תהילים פרק קכח

א  שִׁיר הַמַּעֲלוֹת, אַשְׁרֵי כָּל-יְרֵא יְהוָה, הַהֹלֵךְ בִּדְרָכָיו.
ב  יְגִיעַ כַּפֶּיךָ כִּי תֹאכֵל, אַשְׁרֶיךָ וְטוֹב לָךְ.
ג  אֶשְׁתְּךָ כְּגֶפֶן פֹּרִיָּה בְּיַרְכְּתֵי בֵיתֶךָ, בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶךָ.
ד  הִנֵּה כִי-כֵן יְבֹרַךְ גָּבֶר יְרֵא יְהוָה.
ה  יְבָרֶכְךָ יְהוָה מִצִּיּוֹן, וּרְאֵה בְּטוּב יְרוּשָׁלִָםכֹּל יְמֵי חַיֶּיךָ.
ו  וּרְאֵה בָנִים לְבָנֶיךָ, שָׁלוֹם עַל-יִשְׂרָאֵל.